Generatione:

Sit afangs 2018 galoppiert ds «Rössli» ir 5te Generation unger üser Leitig.

Das traditionelle Wirtshuus wird sit mitlerwile 130 Jahr vomene Fritz gfüehrt.

Agfange hets 1887 mitem Friedrich Kaufmann vo Herzogenbuchsee.

Är isch aus Stoffhändler uf Säriswil cho u het ds damalige Stöckli kouft.

Churz druf het er ä Dorf-Lade, d Buurerei und ä chliini Gaschtstube ufta.

Die 2ti u 3ti Genereation het gliich oder ähnlech witergfahre mit dene drüne Gwärb.

Der viert Fritz het sini Elisabeth gfunge (d Eutere u Schwiegereutere vo üs) u 1984 ghürate. Sider denn hei sie ds «Rössli» erfougrich gleitet. Das Restaurant isch imene gediegene Rahme präsentiert u gläbt worde.

Mitlerwile isch die 5ti Generation a de Zügu vom «Rössli».

Ig, der füft Fritz bi aus glehre Landmaschinemechaniker ächlei us der Reihe tanzt.

Ha aber scho immer gwüsst, dass i einisch id Fuessstapfe vo mine Euter wet trätte.

Sit 2011 bini im Gaschtgwärb ungerwägs. 2014 hani erfougrich d Belvoirpark Hotelfachschueu abgschlosse u witeri Erfahrige im Hotel Schiff am See ds Murte gsammlet.

Site em 7.7.2017 isch o di 5ti Generation Kaufmann komplett.

Mitlerwile Fritz & Marina Kaufmann-Wanner.

Ä glerti Drogischti us Etzelkofen isch i üsi Familie cho.

U was isch de sit am 15.8.2018 nöi ir Kaufmann-Familie?

Di 6ti Generation. Üse Sohn dr Fritz Theo Kaufmann.

Zäme mit em ganze «Rössli-Team» galoppiere mir mit Elan u vouer Motivation id Zuekunft .

​​